මේ පුංචි ශ්‍රී ලංකාව ඉන්දියන් සාගරය මැද තියෙන දූපතක් බව අපිට අමුතුවෙන් කියන්න ඕන වෙන්නේ නැහැ.. සංචාරය සදහා සුදුසු මෙවන් දිවයිනක් ලෝකයෙන්ම තියෙන්නේ මේ රට විතරයි කියන එක තමයි අපේ පුද්ගලික හැඟීම... රට වටකර තිබෙන වෙරළ තීරයන් වගේම අවුරුදු 2500කටත් වඩා පැරණි ඉතිහාසයත්, පැය හතරක් ඇතුලත ලෝකයේ තියෙන ඕනැම දේශගුණික කලාපයන් ආශ්‍රිත පරිසරයන්ට ඇතුල්වීමටත් හැකිවීමත්, වර්තමානයේ රට තුල තිබෙන ඉතා සාමකාමී වාතාවරණයත්, ඉතා දුර්ලභ අවස්තාවක් කියලයි අපට හිතෙන්නෙ..... ඉතින් මේ පුංචි දිවයිනේ අපූරුව ලොවට කියන්නට දරන උත්සාහයක් තමයි මේ....... ශ්‍රී ලංකාව තුල තිබෙන සංචාරක ස්ථාන, ක්‍රියාකරකම්, සංචාරක සේවා ආදී සියළු තොරතුරු අපි මෙහි පළවන බ්ලොග් සටහන් මගින් එකින් එක ඔබ වෙත ගේනවා....

Tuesday, October 4, 2011

යාල ගිය ගමන් කැබලිත්ත ඓතිහාසික සියඹලාපේ දේවාලයට යන්න එන්න... 2


යාල ජාතික වනෝද්‍යානය ගැන ලියැවෙන කථා මාලාවේ තුන්වැන්න තමයි මේ.. දෙවෙනි ලිපියෙන් අපි කථා කලේ කැබලිත්ත ඓතිහාසික සියඹලාපේ දේවාලයට යන ගමන ගැන... එම ගමනේ දෙවෙනි පියවර ගැන තමයි මේ ලිපියෙන් කියන්න යන්නේ... ගියවර ලිපියෙන් අපි ප්‍රධාන වශයෙන් කථා කලේ කැබලිත්ත ඓතිහාසික සියඹලාපේ දේවාලයට යන මාර්ගය, පේවීම ගැන... අද පූජාව සැකසීම, පූජාව පිදීම හා ඒ හා සම්භන්ධ අරුම පුදුම සිදුවීම් ගැන කතා කරමු... එහෙමනම් කෙලින්ම කථාවට යමු...

පූජාව සැකසීම

අපි මුලින්ම කථා කරමු පූජාව සැකසීම ගැන.... ශ්‍රී ලංකාව පුරා තිබෙන පූජනීය ස්ථානවල පූජාව හදන ක්‍රමයට වඩා ගොඩාක් වෙනස් මෙහි පූජාව.. අපේ සිත්වල භක්තිය උපරිම කරමින් පූජාව සැකසෙන ක්‍රමයක් තමයි තියෙන්නේ.... මේ පිළිබඳව හසල දැනුමක් තියෙන වන සත්ව නියාමක මධුශාන් මහත්තයා තමයි අපව මේ පිළිබඳව දැනුවත් කලේ...  මුළින්ම අපි කලේ කුඹුක්කන් ඔය අයිනට ගොසින් වලවල් හතක් හාරපු එක... හැම වලක්ම අතින් හෑරීම වැදගත්... ඉන් පසු කොල අතු ගෙනත් ඉහලින් කොල රොඩු නොවැටෙන්න ඒවා වහපු එක... එහෙම කරන්න හේහුව වෙන්නේ පූජාව සඳහා පිරිසිදුම ජලය ලබා ගන්න එක.. ඉන් පසුව අපි කුඹුක්කන් ඔයෙන් නා පිරිසින්දු වුනා.. ඊලඟට පෑඅ කාරිය උනේ දේව පූජාව සකසන එක... ගොඩාක් අය දන්නවා ඇති කතරගම දෙවියන් සඳහා පිළියෙල කරන පැණි බත... එහෙම නැත්නම් අපි හඳුන්වන්නේ මුරුතැන් බත කියන එක... එය සැකසීම තමයි අපි දැන් කරන්න යන්නේ.... ලිප් ගල් තුනක් එකට තබා ඊට උඩින් උඩු වියන් බැඳ තමයි මේ කටයුත්ත කරන්නේ.. අපේ කෙළ පොදක්වත් මේ අහාර වලට මිශ්‍ර වීම වැලැක්වීම සඳහා මුඛ්හවාඩම් බැදීමක්ද කෙරෙනවා... සීනි, හකුරු, මුන්, මුද්දරප්පලම් එකතු වුන ඉතා ප්‍රණීත රසැති බතක් තමයි මේ පැණි බත කියන්නේ... මේ ආකරයට පිළියෙල කර ගත්ත පැණි බත අපි පිරිසිදුව පාත්තර වලට බෙදා වසා සකසා ගන්නවා... 

ඉන් අනතුරුව තමයි අපි පූජා වට්ටිය සකසන්නේ.... පළතුරු 9ක් හෝ 12ක් ලෙස තමයි මේ වට්ටිය සැකසෙන්නේ.. එයත් මුඛවාඩම් දමාගෙන තමයි අපි සැකසුවේ.. මේ පිංතූර වලින් ඔබ දකින්නේ එයයි... වට්ටිය මත පිළිවෙලට බුළත් කොළ ඇතිරා ඒ මත කහ වතුරින් සෝදාගත් පළතුරු තැබීමත්, ඒ මත හඳුන්කූරු, කපුරු ආදිය මෙන්ම පඬුරුද තැබීමයි කරන්නේ... අපි දැන් පූජාව පිදීම ගැන කථා කරමු...

පූජාව පිදීම

පූජාව සැකසීම අවසන් වුනාට පස්සේ අපි නැවතත් කුඹුක්කන් ඔයෙන් නා ගෙන පිරිසිදු වී සුදු ඇදුමින් සැරසුනා... පිරිමි අයට මේ සඳහා සුදුසු සුදු පැහැ සරමක්... කාන්තාවන් වැඩිය මෙහි ගමන් නොකරතත් (පුරාණයේ නම් මේ බිමට කාන්තාවෝ එන්නෙම නෑ කියලයි කිව්වේ) එනවානම් සුදුසු සුදු පැහැ ඇඳුම්ව් ඇඳීම තමා ගොඩාක් සුදුසු... පිරිමි අයගේ උඩුකයට ඇඳුමක් නැති වුනත් ගැටළුවක් නෑ.... (යාපනය නල්ලූර් කෝවිලට ගිය අයට මේ අත්දැකීම ඇති....) පූජාව සැකසූ ස්ථානයේ සිට මීටර 100ක් වගේ ඈතින් තමයි මේ ඓතිහාසික සියඹලාපේ දේවාලය පිහිටලා තියෙන්නේ... ඉතින් අපි මේ පුද පූජාවන් අරගෙන දේවාලය බලා පිටත් වුනා.. දේවාලයට යෑමට ප්‍රථම සියඹලාපේ ඓතිහාසික බෝධීන් වහන්සේ හම්බෙනවා.... බෞද්ධයින් වශයෙන් අපි එතනට ගොසින් මල් පූජා කර, පහන් හඳුන්කූරු පත්තු කර තෙරුවන් සිහිකරගෙන දේවාලය බලා පිටත් වුනා....

මේ දේවාල භූමිය හරිම අමුතුයි, පය තැබූ සැනින් එන්නේ හරිම නිවිච්ච, ගුප්ත, භක්තිමත් හැඟීමක්.... මෙහි අඳුරු කුටි නැහැ... ආරූඪ වෙන කපු මහත්තුරු නැහැ... නොතේරෙන යාතිකා නැහැ.... පඬුරු පෙට්ටි නැහැ.... එතරම්ම නිස්කලංක දෙවියන් වැඩ සිටිය හැකියැයි අපටම හැගෙන තරමටම සුවදායීඑ භූමියක්... එම දේවාල භූමිය පිරිසිදු කිරීමෙන් අනතුරුව අපි අපේ පුජ්ජවන් තබා පේ ප්‍රාර්ථනා ඉටුකරගැනීමට දෙවියන් සහය යැද්දා.... එහි වැඩ කටයුතු අවසනයේ පසු පසට ගමන් ගත් අපි දේවාලය පෙනෙන නොපෙනෙන මානයේදී හැරිලා නැවත සියඹලාපේ බෝධීන් වහන්සේ වැඳ පුදා එම පූජා භූමියෙන් ඉවතට ආවා.... ඔබට දැන් ගටලුව්ක් ආවා නේද ඇයි අප පසු පසට ගමන් ගත්තේ කියලා.... හිතෙ තිබෙන භක්තිය නිසාත් හා එය චිරාත් කාලයක් පැවතගෙන එන චාරිත්‍රයක් නිසාත් තමයි අපි එහෙම පසු පසට ඇවිදගෙන ආවේ.... 

අපි දැන් පූජාව සැකසීම සහ පිදීම ගැන කිව්වා.... දැන් අපි කියන්නේ මේ දේවාලය හා බැඳුන අපූරු සිදුව්වෙම් දෙක තුනක්... දේවාලය සලම තිබෙන හමුදා සොයුරන් කියපු දේවල් තමයි අපි මේ කියන්න යන්නේ..... අපි විශ්මයට පත් උන සිද්ද වුන පුවත තමයි එක් වන අලියෙක්ගේ ක්‍රියා කලාපය... යුධ හමුදා සොයුරන් ඔහුව හදුන්වන්නේ දේවාලේ අලියා කියලා.. මේ දේවාලේ අලියාගේ ක්‍රියා කලාපය මොකක්ද දන්නවද? සතියකට වරක් හෝ දෙවරක් පැමිණ දේවාල භූමියේ තිබෙන සියළුම අනවශ්‍ය ඉදිකිරීම් කඩා බිඳ දමන එක... එසේ කඩා බිඳ දමා දේවාල භූමිය පෙර තිබූ පරිදිම සකසා තැබීම තමයි මේ රාජකාරිය.. වන සත්ව නියාමක මදුශාන්ගේ අත් දකීම් වලට අනුව පේ නොවී එන අයට බලාපොරොත්තු නොවන කරදර වලට මුහුණ පාන්න සිදුවන බවක් කීවා... කුඹුක්කන් ඔය හා අනෙක් ආරු හදිසියේ පිටාර ගලන්නට පටන් ගැනීම, වනයේ අතරමං වීම වැනි කාරණා ඔහු හුවා දැක් වූවා... 

දෙවියන්ව පිදීමෙන් ලද භක්තිමත් හැඟීමෙන් අපි ආපහු ආවා... ඔබත් යනවනම් පිළිවෙතින් යන්න.. අභියෝගයට ලක් කරන්න හිතාගෙන මෙතනට යන්න එපා කියලා මම ආයාචනය කරනවා... ඉතින් හොඳ අත්දැකීම් විඳගනිමින් ගිහින් දේවාශිර්වාදයත් අරන් එන්න කැබලිත්ත ඓතිහාසික සියඹලාපේ දෙවොල වෙත යන්න... සියළු දේ සැලසුම් කරගන්න හා අවශ්‍ය තවත් තොරතුරු දැනගන්න කතා කරන්න පහත අංකයට හෝ විද්‍යුත් ලිපිනයට....


දුරකථන            : +94714449162


                            +94112178209

විද්‍යුත් තැපැල්   : abeetha@explorelankainternational.com

Sunday, September 25, 2011

යාල ගිය ගමන් කැබලිත්ත ඓතිහාසික සියඹලාපේ දේවාලයට යන්න එන්න...

කැබලිත්ත ඓතිහාසික සියඹලාපේ දේවාලය

අපි අවසාන ලිපියේ සටහන් කලේ යාල වනෝද්‍යානය ගැන... එය නොකියවපු අය සිටීනම් මෙතනින් ගොස් කියවා එන්න.. අද කථා කරන්න යන්නේ යාල වනය තුල පිහිටලා එන කැබලිත්ත ඓතිහාසික සියඹලාපේ දේවාලය ගැන... සමහරු නම් දන්නවා මෙතන... නමුත් ගොඩාක් දෙනෙක් දන්නේ නෑ... අපි යාල යනකොට ගොඩාක් වෙලාවට කතරගමටත් ගිහින් එනවා.. බෞද්ධයෝ හැටියට කිරි වෙහෙර වැද පුදාගෙන කතරගම මහ දේවාලයත් වැද පුදාගෙන තමයි ආපහු එන්නේ.. ඉතින් කැබලිත්ත ඓතිහාසික සියඹලාපේ දෙවොලත් කතරගම දෙවියන් වහන්සේ හා සම්භන්ධ දෙවොලක්... හරි අපි මේ ගැන වැඩි විස්තර කතා කරමු දැන්...

තම්මිට බෝධිය
ඉතිහසයේ එන ජනප්‍රවාද ආදිය බැලුවොත් කතරගම දෙවියන් එහෙම නැත්නම් ස්කන්ධ කුමාර දෙවියන් ලෙස හඳුන්වන්නේ බුද්ධ වර්ශ වලටත් ප්‍රථම රුහුණෙහි රජකල මහාසේන රජතුමා යැයි සැලකේ... සිය අවසන් කාලයේ භාවනානු යෝගීව සිටීම සඳහා රාජත්වය අතැර පිටව ගියා කියලා තමයි සඳහන් වෙන්නේ... තවත් බොහෝ මේ සම්භන්ධව ජනප්‍රවාද ඇතත් ඒ පිළිබඳ විස්තර ඔබ අතින් කමෙන්ට්ස් ලෙස වැටෙයි කියලා හිතෙනවා.... 

ඉතින් මේ කතරගම දෙවියන්ගේ රාජධානිය ඌ ස්ථානයේ වත්මන් කතරගම මහ දේවාලය පිහිටා තිබෙන බවකියි කියැවෙන්නේ.. දෙවිදුන්ට තම බිරිඳ වල්ලි අම්ම මුණ ගැහුණ ස්ථානය සෙල්ල කතරගම ලෙසිනුත්, ඔවුන් දෙපල වැඩ සිටි කඳු මුඳුන වැඩසිටි කන්ද ලෙසටත් හඳුන්වනවා... වැඩසිටි කන්දේ සිට දුන්නෙන් විද්ද ඊ තලය වැටුන ස්ථනයේ කතරගම මහ දේවාලය ඉදි කලැයි කියාත් පැවසෙනවා.... 

එහකොට මොකක්ද මේ කැබලිත්ත දේවාලය.. මම ඉහළින් සඳහන් කල කතරගම දෙවියන්ගෙ මරණයක් ගැන ඔයාලා කවුරුවත් අහලා නැහැනේ... ඉතින් උන් වහන්සේ තවමත් භාවනා කරමින් වැඩ සිටින බවයි පවසන්නේ.. අන්න ඒ භාවනානුයෝගීව වැඩ සිටින තැන තමයි මේ කැබලිත්ත ඓතිහාසික සියඹලාපේ දේවාලය... 

පේ වීම..

කොළ අතු එල්ලා ගම්භාර දෙවියන්ට භාර වීම
සියඹලාපේ දේවාලය වඳින්න යන ඔබට හිතුමතේ යෑමට අවසරයක් ලැබෙන්නේ නෑ.. ඔබ ඒ සදහා පේ විය යුතු වෙනවා... අඛණ්ඩව දින හතකට වඩා වැඩි ප්‍රමාණයක් මස් මාළු අතුළු සත්ව ආහාර වලින් තොර විය යුතුයි.. මත්පැන් දුම්වැටි වලින් මිදිය යුතුයි... කිළි යැයි හැඳින්වෙන කටයුතු වලින් ඈත් විය යුතුයි... කිසිවෙක් ඔබ මෙසේ කළාදයි ප්‍රශ්ණ කරන්නේ නැති මුත් අවට ගම්වාසීන් හා තතු දන්න අය පවසන්නේ මෙසේ පිළිවෙතින් තොරව කැබලිත්ත වන්දනාමාන කරන අයට ඒ සඳහා ලඟ වීමට රුදුරු භාදක එල්ල වෙන බවයි...

ගමන් මාර්ගය

මේ සඳහා ගමන් මාර්ග හතරක් තියෙනවා... 

යුධ හමුදාවෙන් සංග්‍රහයක්..
1. යාල පලටුවාව පිවිසුමෙන් ඇතුලු වී යාල කොටස් 1 හා 2 ඔස්සේ සියඹලාපේ දේවාලයට ඇතුළු වීම. මේ මාර්ගය ඉතාම ලස්සනයි, බියකරුයි, ටිකක් වියදම වැඩියි ( අනිවාර්යයෙන්ම ජීප් රථ දෙකක් යොදා ගත යුතුයි. නැතිනම් යාල 2 කොටසට පිවිසීමට වනජීවී සංරක්ෂණ දෙපාර්ථමේන්තුව අවසර දෙන්නේ නැහැ..) ගතවන කාලය වැඩියි.

2. ගල්ගේ පිවිසුමෙන් අතුළු වී යාල 3 කොටස හරහා විත්  සියඹලාපේ දේවාලයට ලන්ගා වීම. මෙම මාරගය අළුතින් ආරම්භ කිරීම නිසා ඉතා පහසුවෙන් ලඟා විය හැකියි. දිනක් වගේ කාලයක් තුල ගිහින් එන්න පුලුවන් කියලා තමයි විශ්වාස කරන්නේ...

ගමන ටිකක් දුෂ්කරයි
3. මොනරාගල කොටියාගල අඩ්වියෙන් ඇතුල් වී කුඹුක්කන් ඔයෙන් එතෙර වී සියඹලාපේ දේවාලයට ලඟා විය හැකිය. මෙම මාර්ගය ගැන කියද්දිනම් කියන්න තියෙන්නේ මෙම මාර්ගය භාවිතා කරන්න එපා කියලයි.. මෙය නීති විරෝදී මාවතක්.. මේ තුල සිදුවන හිරිහැර වලට වනජීවී දෙපාර්තුවවත් වගකීමට බැදී නැත. 

4. කුමන රක්ශිතයෙන් ඇතුල් වී ඔකඳ දේවාලය හරහා පැමිණ කුඹුක්කන් ඔයෙන් එතෙර වී සියඹලාපේ දේවාලයට ලඟා වීම. මෙම මාර්ගය බොහෝ විට යොදාගන්නේ කතරගම පෙරහැර සමයට පාද චාරිකාවේ එන හින්දු බැතිමතුන්... මෙයත් ඉතාම අලංකාර මාවතක්.


කැබැලිත්ත දේවාලයට අපි ලඟා වූ හැටි...

ගමන ටිකක් දුෂ්කරයි
අපි තෝරගත්තේ ගල්ගේ පිවිසුමෙන් ඇතුළු වී සියඹලාපේ දේවාලය වන්දනා කිරීමට යන මාර්ගයයි... කතරගමින්ම 4x4 රථයක නැගුන අපි උදේ 7.45 පමණ වනවිට ගල්ගේ පිවිසුමෙන් ඇතුල් වුනා.. අපිට මග පෙන්නුවේ වන සත්ව නියාමක මදුශාන් මහතා.. රියැදුරු ප්‍රසන්නත් මෙම මාර්ගයෙන් ගමන් ගන්නා ප්‍රථම වතාව වුනා... වනයට ඇතුළු වෙද්දිම වාහනය නැවතූ අප ගසක කොල අත්තක් කඩා ගම්භාර දෙවියන් යැද්දේ මෙම ගමන ආරක්ෂා සහිතව ගිහින් එන්නට අවශ්‍ය ආශිර්වාදය ලබා ගැනීමටයි.... හිතේ තිබුන ගුප්ත ගතිය නිසාමදෝ මෙම ගමන ඉතා භක්තිමත් ලෙස යන්නට අවස්ථාව ලැබුනා.... මුලින්ම අපට හමු වුනේ තම්මිට බෝධීන් වහන්සේ... එතනට මල් පහන් පුදා අපි කැබලිත්ත බලා පිටත් වුනා.. දවල් 11 පමණ වනවිට අපට කැබලිත්ත ඓතිහාසික සියඹලාපේ දේවාල භූමියට ලඟා වෙන්නට පුළුවන් වුනා... කැබලිත්ත යුධ හමුදා කඳවුරෙන් අපට ලැබුණ සංග්‍රහය ගැනත් මතක් කල යුතුයි...

ලිපිය දිග වැඩි වෙන නිසාම අපි පූජාව සැකසීම, පූජාව පිදීම වගේම ඒ හා සම්භන්ධ අරුම පුදුම සිදුවීම් ගැන ඊලඟ කොටසින් කථා කරමු.

මේ හා සම්භන්ධ කාරනා සඳහා අපිට කථා කරන්න පහත අංක හා විද්‍යුත් ලිපිනයන්ට...

දුරකථන            : +94714449162


                            +94112178209

විද්‍යුත් තැපැල්   : abeetha@explorelankainternational.com

Wednesday, September 21, 2011

යාල යාල එන්න සතුන් බලන්න..... වන සතුන් අතරේ සුන්දර මොහොතක් ගත කරමුද?


ටිකක් ජනප්‍රිය මාතෘකාවක් තෝරගත්තේ, තනිකරම  කථා මාලාවක් ලියන්න හිතාගෙන.... අපේ ශ්‍රී ලංකාවේ තිබෙන වනෝද්‍යාන අතරින් විශාලත්වයෙන් ප්‍රමුඛ තැනක් ලබා සිටින ජාතික වනෝද්‍යානයක් තමයි යාල ජාතික වනෝද්‍යානය කියන්නේ.... මෙම වනෝද්‍යානය ගැන සම්පූර්ණයෙන්ම කථා කරනවා නම් පරිච්ඡේද රාශියකින් යුතු පොතක් ලියන්න වේවි..එහෙම කරලවත් අවසන් කරන්න බැරිවේවි... පළවෙනි කොටසින් අපි සූදානම් වෙමු ‍යාල ගැන පොඩි හැඳින්වීමක් කරන්න... 

‍යාල පරිපාලන දිස්ත්‍රික්ක දෙකකට අයිති වෙනවා... එකක් හම්බන්තොට. අනෙක මොණරාගල. පළාත් වශයෙන්ද බැලුවොත් ද දෙකක්. ඒ දකුණු පළාත හා ඌව පළාත වශයෙන්... ආර්ථික සංවර්ධන අමාත්‍යාංශය යටතේ තිබෙන වන ජීවී සංරක්ෂණ දෙපාර්තමේන්තුව මඟින් තමයි පාලනය වෙන්නේ.... යාල වනෝද්‍යානය කොටස් පහකින් යුක්ත වෙනවා.. ඒ වගේම ශ්‍රී ලංකාවේ පිහිටා තිබෙන දැඩි රක්ශිතයන් තුනෙන් එකක් වෙන යාල දැඩි රක්ෂිතය පිහිටා තිබෙන්නෙත් මෙහි... ඉදිරි ලිපිවලින් අපි මේ කොටස් පහ ගැන වෙන වෙනම කථා කරන්න බලාපොරොත්තු වෙනවා... 

යාල රක්ෂිතයට පිවිසීම සඳහා ඔබට පාරවල් දෙකක් තිබෙනවා... එකක් වන්නේ තිස්ස නගරය හරහා කිරින්දෙන් ගොස් නිමලව හරහා පලටුපානට පැමිණ යාලට ඇතුල් වීමයි... අනෙක කතරගම බුත්තල මාර්ගයේ ගල්ගේ පිවිසුමෙන් යාලට ඇතුල්වීමයි... පලටුපාන පිවිසුමෙන් ඇතුල්වන ඔබට යාල අංක 1 හා 2 කොටස් වල සංචාරය කල හැකි වන අතර ගල්ගේ පිවිසුමෙන් ඇතුල් වෙන ඔබට යාල  අංක 3, 4 හා 5 කොටස්වල සංචාරය කල හැකිය...

යාල වනාන්තරයට පීසීමේදී ඔබ සැලකිලිමත් විය යුතු කරුණු විශාල ප්‍රමාණයක් තියෙනවා... මම ඔබට කියන්නම් ඒ ගැනත් ටිකක්... පළමුවෙන්ම මතක තියා ගන්න ඕන ඔබ මේ පිවිසෙන්නේ වන සතුන්ගේ අඩවියකට... ඔවුන්ව විශ්වාස කරන්න අමාරුයි.. අහිංසකයින් මෙන්ම රුදුරු සතුන්ද මෙහි එක වගේ හැසිරෙනවා.. එම නිසා ඔවුන්ට බධාවක් වෙන්නට කිසි සේත්ම ඉඩ තියන්න එපා.. දිවියන් වගේම විශාල ඇත්තු ඔබ අසලටම ඒවි.. නිශ්ෂබ්ධව සිටීම තමයි කලයුතු හොඳම දේ.. ඒ වගේමයි, පොලිතීන්.... හැමතැනටම වගේ මෙතනටත් පොලිතීන් පොදු සතුරෙක්..  ඉතින් අරන් යන හැම පොලිතීන් කැබැල්ලක් වගේම අනෙක් සියල්ලමත් ආපසු අරගෙන එන්න ඔබ අමතක කරන්න එපා... කථාවක් තියෙනවා අහලා තියෙනවනේ නේද "පිය සටහන් පමණක් ඉතිරි කර එන්න" කියලා..  

යාල වනෝද්‍යානය තමයි ලංකාවේ තිබෙන වනෝද්‍යාන අතරින් වැඩිම ආදායමක් උපයන්නේ... ඒ එහි තිබෙන සත්ව සුලභත්වය නිසා.. ඉතාම දුර්ලභ සතුන් මෙහි පහසුවෙන් දකින්නට හැකියි... යාල සංචාරය  කරන්නට නම් 4 x 4 වාහනයක යන එක තමයි වඩාත් සුදුසු... පිවිසුම් දොරටු දෙක ලඟම එවැනි වාහන ඕන තරම් තිබෙනවා.. මතක් කරලා නගින්න කලින් බලන්න එම වාහනය ඇත්තටම 4 x 4 වාහනයක් ද කියලා.. ඔබ සංචාරය කරන්නේ දින දෙකකට හෝ ඊට වැඩි කාලයකටනම් අනිවාර්යයෙන්ම 4 x 4 වාහනයක් ගන්න එක නුවණට හුරුයි... එක් දිනක් හෝ වරුවක කාලයක් සංචාරය කරනවානම් 4 x 4 නැති වුනත් ඒ සඳහා සුදුසු වාහනයක් යොදා ගන්න එක තමයි වඩාත් සුදුසු...

මම හිතන්න්නේ පළවෙනි කොටසට මේ ඇති... යාල වනෝද්‍යානයේ තිබෙන කොටස් හතර, දකින්න පුළුවන් සතුන්, බංගලා කඳවුරු බිම්, එහි වසන සතුන්, කැබලිත්ත ඓතිහාසික සියඹලාපේ දෙවාලය වගේ දේවල් ගැන අපි ඉදිරි කොටස් වලින් කථා කරමු...

යාල කැලේ යන්නට අදහස් කරනවාද? වැඩි විස්තර සඳහා පහත අංක හා විද්‍යුත් ලිපින වලට අමතන්න. 



දුරකථන            : +94714449162

                            +94112178209

විද්‍යුත් තැපැල්   : abeetha@explorelankainternational.com

Sunday, August 7, 2011

කාර්යාලයේ සුහද හමුව පවත්වගන්න කටු කනවද හෝ ගාලා.......


අපි විසින් ලබාදෙන තවත් සේවාවක් ගැන තමයි මම මේ අද කියන්න හදන්නේ... ඔබ විනෝදයට උපරිම කැමති ඇති.. ඒකනේ හෙඩිම දැක්ක ගමන් දුවගෙන ආවේ කියවන්න.. එහෙම නේද? ඉතින් අද කියන්න හදන්නේ ඔබේ විනෝදය සාර්ථකව කරගෙන යන්න අපි විසින් ලබා දෙන තවත් එක් සේවාවක් ගැන. ඔබ යාළුවොත් එක්ක කාර්යාලයේ හිතව්තුන් සමඟ අවුරුද්දකට සැරයක්, එහෙම නැත්නම් මාස තුනකට සැරයක් කාලා බීලා සිංදු කියලා, නටලා විනෝද වෙලා තියෙනවනේ... ඉතින් මේ අවස්ථාව කොහොමද මෙච්චර කල් සංවිධානය කලේ....

මතකද? විනෝද ගමන යන්න තැන් හෙව්වා... ඒ වගේ කෑම රසද? කාමර කොහොමද? වායු සමීකරණ තියෙනවද? ගනන් කොහොමද? ප්‍රශ්න ගොඩයි නේද? ඊට පස්සේ ගමන යන්න බස් හෙව්වා... රියැදුරු කොහොමද? වේගෙන් යනවද? රථය අබලන්ද? දුර යන්න බැරි වෙයිද? තවත් ප්‍රශ්ණ ගොඩායි නේද? ඒ වගේමයි ඔවුන් අතින් වැරැද්දක් උනත් එයාලගේ සැර.. ඊට පස්සේ හොයන්නේ සංගීතය. ඒ කියන්නේ කණ්ඩායම් සංගීතය එහෙම නැත්නම් ඩීජේ, කැලිප්සෝ... මෙයාල හොඳට සිංදු කියයිද? ආතල් එක කයිද? ඔය වගේ ප්‍රශ්න.. සංවිධානය කරන පිරිසට උත්සවය හෝ ගමන ඉවර වෙනකන් නින්ද යන්නේ නෑ.. මෙන්න මේ ගැටළුවලට පිළියමක් අරගෙන තමයි අපි අද ආවේ...

මීට පස්සෙ ඔබට ඒ වගේ දුකක් විදින්න ඕන නෑ.. ඔබේ කාර්යාලයට හෝ මිතුරු සමාගමට අවශ්‍ය උත්සවයක්ද? විනෝද චාරිකාවක්ද? නායකත්ව පුහුණු වැඩමුළුවක්ද? සම්මන්ත්‍රනයක්ද? එහෙමත් නැත්නම් ඩීජේ නයිට් එකක්ද? සුහද හමුවක්ද? මේ ඕනම දෙයක් ඔබේ දොරකඩට ඇවිල්ලා ඉස්තරම්ම අයුරින් ඉටු කර දෙන්නට අපි සූදානම්... ඒ විතරක් නෙවෙයි, ඔබ ඉන්නේ විදේශගතවනම්, ඔබේ විවාහ මංගල උත්සවය සංවිධානය කර ගන්න, ඔබගේ පවුලේ ඥාතීන්ගේ උත්සව පවත්වන්න වගේ ඕනෑම වැදගත් කටයුත්තක් අප ලවා ඉටුකර ගන්න ඔබට පුළුවන්.....

ඔබේ උත්සවයට හෝ වැඩසටහනට අවශ්‍ය අල්පෙනෙත්තේ සිට අප සපයනවා... හෝටල්, බස් රථ, සම්පත් දායකයින් සහ අනෙකුත් සියළු දේවල්.. ඔබට තිබෙන්නේ සහභාගී වන්න විතරයි... සංවිධානය කිරීමේදී ඔබට වැයවන, කාලය, ශ්‍රමය, මුදල් මේ හැම දෙයක්ම ඔබට ඉතිරි කරගනට පුළුවන්...

ඊලඟට ඔබේ හිතේ නැඟෙන ප්‍රශ්නය මට තේරුම් ගන්න පුළුවන්... මිල ගනන්.. මෙය ඔබේ අවශ්‍යතාවය අනුව වෙනස් වෙනවා... ඔබේ අවශ්‍යතාවය සඳහා අපි මිල ගනන් හතරක් ලබා දෙනවා... ඒ සුඛෝපභෝගීත්වය අනුව වර්ග කරලා... ඔබට පුළුවන් අපිත් එක්ක රැදිලා කතා කරලා අවශ්‍ය පැකේජය තෙරුම් ගන්න... අපට ඕනෑ හැටියට නොව ඔබට ඕනෑ හැටියට මේ කටයුතු කර දෙන්නට අපි හැම වෙලාවෙම සූදානම් වෙලා ඉන්නවා....

මේ යොදා තිබෙන ඡායාරූපත් අපි විසින් සංවිධානය කරපු වැඩසටහන්.. ඉතින් ඔබටත් පුළුවන් අපිත් එක්ක එකතු වෙන්න... මෙන්න අපේ තොරතුරු.. කථා කරන්න අපට...

දුරකථන            : +94714449162
                            +94112178209

විද්‍යුත් තැපැල්   : abeetha@explorelankainternational.com

Tuesday, July 26, 2011

මීමුරේ යමුද කඳවුරු ජීවිතයක් ගත කරන්න.... 2




මීමුරේ පිළිබඳව ලියැවුනු පළවෙනි ලිපියට තිබ්බ ප්‍රතිචාර දැක්කම ඉක්මනටම මේ ලිපියත් දමන්න හිතුනා... දෙවෙනි තුන්වෙනි පැකේජයන් ගැන දාන්න කලින් මේ ගැන අහලා එවපු ප්‍රශ්ණ කීපෙකට උත්තර දෙන්න තමයි හඳන්නේ....

ලමයින්ට ගෙවීම් කරන්නේ කුමන පදනමකින්ද යන ප්‍රශ්ණය තමයි ගොඩාක් දෙනෙක් ඇහුවේ... අවුරුදු 6 සිට 12 දක්වා දරුවන්ට 50% වට්ටමක් ලබාදෙන අපි අවුරුදු 6ට අඩු දරුවන්ට 100%ක වට්ටමක් ලබා දෙනවා... ඊලඟ ප්‍රශ්ණය වුනේ වැසිකිලි ප්‍රශ්ණය.. මේ සඳහා පස් දෙනෙකුට එක බැගින් ජංගම වැසිකිලි අපි සංචාරකයින් වෙත සපයා දෙනවා.... අනිත් ප්‍රශ්නය 12ට වැඩි සංචාරකයන් ප්‍රමාණයක් සහභාගී වෙන්න බැරිද කියන එකයි... පුළුවනි... උපරිම 22ක් දක්වා සංචාරකයන් ප්‍රමානයක් එකවර සහභාගී විය හැකියි. අවසන් ප්‍රශ්ණය උනේ සංචාරකයින් 12ට අඩු කණ්ඩායම් වලට මෙහෙම විනෝද වෙන්න බැරිද කියලයි..... අන්න ඒ ප්‍රශ්නෙට පිළිතුරු තමයි මම දැන් දෙන්න හදන්නේ....

පැකේජ අංක 2

මේක ටිකක් මීමුරේට නොගැලපෙන පැකේජ් එකක් කියලා තමයි මට හිතෙන්නේ.... නමුත් පුංචි දරුවන් සිටින වැඩිහිටි අය අභාධිත අය සදහා මේ ක්‍රමය හොඳයි.. ඒ වගේම හෝටල් වල නවතින්න ආස අයටත් මේ විකල්පය හොඳයි... නමුත් ඒ හෝටලයත් ඉතා ලස්සන ආකර්ෂනීය තැනක්.. මේ තියෙන්නේ පිංතූරේ... කුඩා කුටි සහ කුඩා කූඩාරම් වල නවතින්න පුලුවන්.. කෑම ඹීම ඔක්කොම සපයා ගන්නත් පුළුවන්... ආරක්ෂාව ගැනත් කිසිදු ගැටලුවක් නෑ.. ආගන්තුක සත්කාරය ආදී සියළු දේ වලින් අනූන හෝටලයක් එතැන තියෙනවා.... ගානද? එක්කෙනෙකුට රුපියල් 5500.00ක් විතර වියදම් කරන්න හැකිනම් අංග සම්පූර්ණ දවසක් ගෙවන්න පුළුවන් එතැන....




පැකේජ අංක 3.

අපි විසින් සෘජුව ලබාදෙන පැකේජයක් තමා මේක.. ඉතාම දුෂ්කර උනත් විනෝදය පිරුනු ගමනක්.. අපි අපි විසින් කූඩාරම් ගහගෙන සූරිය අරන චිත්‍රපටයේ දිය ඇල්ලේ ගල් පොත්තේ උඩ රත්‍රියක් ගෙවන්න ආස කවුද? ඒක නම් උපරිමයි... බාබකිවු පාරක් දාල උයාගෙන කාල එකමුතුවෙම්න් කරන්න ඕන වැඩ පිලිවෙලක්.... එක්කෙනෙකුට උපරිම 3500.00ක් පමණ වියදම් වෙනවා.. නුවරට යනකම් නගරානතර දුම්‍රියේ ගිහින් එතන ඉදන් ලූල්කඳුරට බස් එකේ ගිහින් තමයි මේ ගමන යන්නේ.... දින තුනක ගමනක් වෙන මෙය ධීර ක්‍රියා ඝනයට අයිති වන පරිදි සැලසුම් කල ගමනක්.... පයින් යන්න වෙනවා කිලෝ මීටර 13ක් පමණ....


ඔන්න විස්තර ටික.. කැමති විදිහකට ඔබේ අවශ්‍යතාවයට ගැලපෙන විදිහට මීමුරේ යන්න එකතු වෙන්න. අපි ඉන්නවා ඔබ වෙනුවෙන් ඒ ආරක්ෂාව වගකීම කරට ගන්න... එහෙමනම් අපට කථා කරන්න පහත තොරතුරු වලට.


දුරකථන            : +94714449162
                            +94715364077
                          +94815658758

විද්‍යුත් තැපැල්   : abeetha0325@gmail.com


Tuesday, July 19, 2011

මීමුරේ යමුද කඳවුරු ජීවිතයක් ගත කරන්න....

අපේ බ්ලොග්ස් ලියන යාළුවෝ කීප දෙනෙක් මීමුරේ යන්න කතා කරන නිසා තමයි මේ ලිපිය ලියැවෙන්නේ... ලංකාවේ හුන්නස්ගිරි කදු යායෙන් පල්ලම් බහිමින් නකල්ස් කදුවැටියේ දකුණු මායිමේ තිබෙන සුංදර ගම්මානයක් තමයි මේ මී මුරේ කියන්නේ... බොහෝමයක් සංචාරකයින් දුෂ්කර පා ගමනක් ගෙවා මී මුරේ ගමට ඇවිද සීතල පිරුණු රාත්‍රියක් ගත කරන්න එන්නේ... තවත් සමහරු ඉතා සුඛෝපභෝගීව ඉඳලා හෝටල් කාමරයක් ඇතුලේ ඉඳලා යනවා.. මේ දෙකටම මැදිව ඇති තව සොඳුරු කඳවුරු බැඳීමකුත් අපි සතුයි....

ශ්‍රී ලංකාවේ ප්‍රමුඛ සංචාරක පහසුකම් සපයන ආයතනයක් වෙන එක්ස්ප්ලොර් ලංකා ඉන්ටර්නැශනල් ආයතනය මේ සඳහා වූ සුවිශේශ  පැකේජයන් තුනක් ඔබ වෙත සුදානම් කරලා තියෙනවා... පහත පරිදි තමයි සියල්ල වෙන්නේ... මෙන්න විස්තර මුල සිට අගට...

පැකේජ අංක 01 
මේය තමයි ඉතාම සුවදායී සහ මමත් ඉතා දැඩිව කැමති පැකේජය.... සුඛෝපභෝගී කඳවුරු ජීවිතයක් එක් රාත්‍රියක් පුරා... ඔබ ඇතුල් වන දින දිවා ආහාරයේ සිට ඔබ පිටව එන දින දිවා ආහාරය දක්වා කෑම වේල් මේ සඳහා ඇතුලත්. ඒ වගේම රාත්‍රියේ බාබකියු පහසුකමක් මෙන්ම අලංකාර ගිණිමැලයක් වටා වූ සංගීත රාත්‍රියක් ගත කිරීමේ අවස්තාවකුත් හිමියි... ඔව්.. මධුවිතටත් අවස්ථාවක් නැතුවා නෙවෙයි.... 

මෙම නවාතැන 100%ක්ම කූඩාරම් වලින් සමන්විතයි... නමුත් සුඛෝපභෝගීයි... කූඩාරම ඇතුලත ඇඳන් මෙන්ම කොට්ට ඇතිරිලි ආදියෙන්ද පොහොසත්.

ප්‍රවාහන පහසුකම් සැපයෙන්නේ නුවර ඉඳන්.. නුවරට ලඟාවිය යුතු වන ඔබ 4*4 වාහන වලින් මීමුරේ කඳවුරු භූමියට අප විසින් රැගෙන යනවා... පා ගමන්, ධීර ක්‍රියාකරකම් මෙන්ම තවත් බොහෝ අංග ඇතුලත් මේ පැකේජයට පැමිණි අය ප්‍රීති වන සැටි පහල පිංතුර වලින් ඔබට බලන්න පුලුවන් වේවි... 

ආරක්ෂාව නේද? කිසිදු ගැටළුවක් නෑ... අවශ්‍ය වෙන්නේ කූඩැල්ලන්ගෙන් යම් පමණකට වෙන හිරිහැරය අත් විඳ ගැනීම පමනයි.. කාන්තා පිරිමි දෙපාර්ශ්වයටම සහභාගී විය හැකි අපූරුතම සොඳුරු අත්දැකීමක් හමයි මේ අවස්ථාව

මිළ ගනන් නේද මීලඟ ගැටලුව....  මේ සඳහා අවම වශයෙන් 12 දෙනෙක් සහභාගී විය යුතුයි... එක් අයෙකුට රුපියල් 5200.00 ක මුදලක් අය කිරීමට තමයි අපි තීරණය කරලා තියෙන්නේ... බලන්නකෝ මේ පිංතූර.. යන්න කැමතිනම් අපිව අමතන්න.... හැමදාමත් වගේ අදත් මෙන්න අපේ දුරකථන හා විද්‍යුත් ලිපිනයන්......













දෙවෙනි හා තෙවෙනි පැකේජ පිළිබඳ විස්තර ඉදිරි ලිපි වලින් දැනගමු... 



දුරකථන        : +94714449162
                     +94715364077
                    +94815658758
විද්‍යුත් තැපැල් : abeetha0325@gmail.com

Monday, July 18, 2011

හදිස්සියට වාහන ඕන උනාම කාටද කතා කරන්නේ...... දෙපැත්තකට ප්‍රයෝජනවත් ලිපියක් මෙන්න...

කොළඹ ඉඳන් ගාල්ලට යන  ගමනේ තුන්වෙනි කොටස, මේ සතියේ දෙවෙනි ලිපිය කරලා අද කියන්න යන්නේ අපි දෙන තවත් සේවාවක් ගැන.. මතෘකාව දැක්ක ගමන් ඔයාලට හිතෙනවා මොකක් ගැනද මම මේ කියන්නේ කියලා..... ඔව්.. රෙන්ට් අ කාර්.. එහෙම නැත්නම් වාහන කුලියට දීම පිළිබඳව තමයි...

අපි ... ඒ කියන්නේ එක්ස්ප්ලෝර් ලංකා ඉන්ටර්නැශනල් ආයතනය ලබාදෙන තවත් සේවාවක් තමයි මේ වාහන කුලියට දීමේ සේවාව... ඔබේ විවාහය දිනට මංගල කාර් රථයක් හොයන්න විදින දුක, ඔබ පිටරටක ඉඳන් ඇවිත් ලංකාවට අඩිය තිබ්බට පස්සෙ තමන්ට වාහනයක් නැතිව විඳින දුක, ලන්කාවේ ඉන්න ඔබට හදිසි ගමනක් යන්න ඕන උනාම වාහනයක් හොයා ගන්න විඳින දුක අපි දන්නවා, දැකලා තියෙනවා... මීට පස්සෙ ඕන උනොත් අපට කතා කාරන්න... (කොන්දේසි සහිතයි*) :D

අහ් කොන්දේසි නේද? ඔන්න පහත තියෙනවා කොන්දේසි....

ප්‍රධානම එක තමයි ඔබේ අනන්‍යතාවය හා පදිංචිය නිවැරදිව තහවුරු කළ යුතුයි... එසේ නොහැකිනම් අපේ ප්‍රමුඛ පාරිභෝගිකයෙක් ලවා නිර්දේශයක් ඉදිරිපත් කලයුතුයි...

රුපියල් දසදසක මුදල් අත්තිකාරමක් ගෙවිය යුතුයි...

අපි විසින් සකස් කරන එකඟතා ගිවිසිමට අත්සන් තැබිය යුතුයි.

තවත් පොඩි පොඩි දේවල් තිබුනත් එම කොන්දේසි අපට සකච්ඡා කරගෙන විසඳා ගත හැකියි...



දැන් තියෙන්නේ අය කරන මුදල් ගැන කියන්න... එහි කෙටි සටහන මෙසේයි.. වාහනයේ වර්ගය අනුවත් ලබාගන්නා දින ගනන අනුවත් එය වෙනස් වෙනවා... මාසිකව රුපියල් තිස්දහසෙන් (30000.00) ආරම්භ වන මුදල රුපියල් දෙසිය දහසක්(200000.00) දක්වාම වැඩි වෙනවා.... එහෙම වෙන්නේ වාහනයේ වර්ගය අනුවයි....

දෛනික පදනමට අනුව ඔබ වාහනයක් ලබාගන්නේ නම් රුපියල් එක්දහස් පන්සියයේ (1500.00) සිට රුපියල් විසි දහස(20000.00) දක්වා වෙනවා ඇති. එයද ඔබ ලබාගන්නා වාහනය මත පදනම් වන අතර ලබා ගන්නා දින ගනන අනුව සහනදායී මිලක් ඔබට හිමි වනු ඇති. 

එහෙනම් කථා කරන්න.... අවශ්‍ය ඕනම වෙලාවක අපි ඔබට සේවය ලබා දෙන්න සූදානම්.... 

අනිත් පාර්ශ්වය... ඔබ ලඟ වාහනයක් තියෙනවනම්.... මේ ක්ශේත්‍රයට යොදන්න පුලුවන්නම් අපිට කතාකරන්න... සිත් ඇද ගන්නා මිල ගනන් වලට ඔබට පුළුවනි අපේ ආයතනයට ඔබේ වාහනය යොමු කර මාසිකව මුදලක් ලබා ගන්න...

එහෙමනම් කථා කරන්න.. පහත  දුරකථන අංක වලට හා එවන්න විද්‍යුත් ලිපි පහත විද්‍යුත් ලිපින වලට.



දුරකථන        : +94714449162
                      +94112178209
විද්‍යුත් තැපැල් : abeetha@explorelankainternational.com


Thursday, July 14, 2011

බස්නාහිර මුහුදු තීරය දිගේ ගාල්ලට යන්න එනවද අපිත් එක්ක....... 02


මේ කථා මාලාවේ පලවෙනි කොටසින් අපි ආවේ කොළඹ ඉඳලා වාද්දුවට එනකන්... මෙතන ඉඳන් මේ මාවත ටිකක් ගැමි ස්වරූපයක් ගන්නවා... කළුතර ඇරුනම අනිත් සියළු නගරයන් පාහේ සංචාරක ව්‍යාපාරය පදනම් කර ගනිමින් ගොඩ නැගුනු නගරයන්.. ඒ වගේම මේ සියළු නගරයන් තුල අමතක නොවෙන ඉතා සෝබර අඳුරු මතකයක් තියෙනවා... ඒ තමයි 2004 දෙසැම්බර් 26 දින පැමිණි සුනාමියට මේ සියළු ප්‍රදේශ සුන්නද්දූලි වෙලා ගියා.... ඒ තුලින් ගොඩ නැගුනු පන්නරයෙන් මොවුන් අද හිස ඔසවා විරාජමානව සිටිනු ඔබට දකින්න හැකි වේවි....

වාද්දුව පසුකරමින් ඉදිරියට යන ඔබට මුන ගැහෙන්නේ ඓතිහාසික කළුතර නගරයයි....  කළු ගඟ මූලික කරගත් තොටක් වෙච්ච කළුතොට පසු කලෙක කළුතර වූ බවයි සඳහන් වෙන්නේ... කළු ගඟ අයිනේ විරාජමානව බබලන කලුතර දාගැබ් වහන්සේ මෙන්ම කළුතර බෝධීන් වහන්සේද නිසා ඓතිහාසික වටිනාකමක්ද කළුතර නගරයට ලැබෙන්නේ නිතැතින්.... ඒ වගේම මෙම බෝධීන් වහන්සේ ලඟින් නොනවත්වන වාහනයක් නැති තරම්...  මීටර 40 කටත් වැඩි දිගකින් යුත් පාලමට සමාන්තරව දිවෙන දුම්රිය පාලමත් ඉතා අලංකාරව  දිස්වීම සංචාරක ආකර්ශණය වැඩි කිරීමක් ලෙස හඳුන්වන්න පුළුවන්. ටැන්ජරින් හෝටලය, රාමදා හෝටලය, හිබිස්කස් හෝටලය, රෝයල් පාම් බීච් හෝටලය වැනි තරු පංතියේ හෝටල් සේම අඩු වියදම් හෝටල් රාශියක් කළුතර වෙරළ තීරය දිඟේ පිහිටා තිබෙනවා.... 
රිච්මන්ඩ් කාසල් මන්දිරය, කළුතර

කලුතරින් වමට හැරිලා ගියාම හම්බෙන රිච්මන්ඩ් කාස්ල් එකට ඔබ ගිහින් තියෙනවද? මීට අවුරුදු 100කට එහා අතීතයක් තිබෙන අපූරු ගෘහ නිර්මාන ශිල්පයකට හිමිකම් කියන මෙම සුවිසල් මන්දිරයේ අයිතිකරු පඬිකාර මුදලි, නානායක්කර රාජවාසල අප්පුහාමිලාගේ දොන් ආතර් ද සිල්වා විජේසිංහ සිරිවර්ධන මුදලි තුමා... ස්වාභාවික වායු සමීකරණ ක්‍රම මෙන්ම ඒ කාලයේ නොතිබූ විසිතුරු වීදුරු ජනෙල් වල සුන්දරත්වයක් ඔබට දකින්න පුළුවන්. දැනට මේ මන්දිරය මහා භාරකාර දෙපාර්තමේන්තුව සතුයි...  


කළුතර පසුකරන ඔබට මහ පාරත් එක්ක දිවෙන පලමු මුහුදු තීරය ඔබට මුණ ගැහෙන්නේ පයාගලින්.... දැකුම්කළු මුහුදු තීරය වඩාත් ලස්සන කරන්නේ ඒ හා සමගාමීව තිබෙන පොල් රුප්පාවලින්... ඔබ මේ පොල් ගස් වල ඉහල බලලා තියෙනවද? අතුරු.... පොල් රා, පොල් විනාකිරි, පොල් පැණි නිපදවීම සඳහා උපයෝගී කර ගන්නා තෙලිජ්ජ ලබා ගැනීමට අතුරේ පිය මනින ගැමියන් දැක ගැනීමටත් ඔබට හැකි වේවි... ඒත් රා බොන්න තවම කලබල වෙන්න එපා.. ඉදිරියේදී මම කියන්නම් කොහෙද හොඳම තැන කියලා....

පයාගල හා මග්ගොන පසු කරමින් ඉදිරියට යන ඔබට හමුවන්නේ අළුත්ගම. පූජනීය ස්ථානයක් විදිහට වැදගත් වන අළුත්ගම කන්දෙ විහාරයට බොහෝ බැතිමතුන් තම තමන්ගේ ප්‍රාර්ථනා ඉටු කර ගැනීමට පිය ගැට පෙල නගින හැටි අපට දැක ගන්නට හැකි වෙනවා... අළුත්ගම නගරයට යන්න කලින් දකුණු පැත්තේ තිබෙන මුහුදු තීරය වඩා ජනප්‍රිය නොවෙන නමුත් අති සුංදර මුහුදු වෙරලක්... අහලා තියෙනවද කලුවමොදර වැල්ල ගැන.... විනෝද සාගරයක් කියලා කිව්වොත් තමයි නිවැරදි... අළුත්ගම පහු කරන ඔබට බෙන්තර ගඟේ පාලම පසු කර අවසන් වෙනවාත් සමඟ දකුණු දෙසින් බෙන්තර ජාතික සංචාරක කලාපයට ඇතුල් විය හැකියි....

බෙන්තර ගඟේ ජල ක්‍රීඩා....
බෙන්තොට. මේ මාවතේ ලැබෙන දෙවන සංචාරක පරාදීසය. තරු පන්තියට අයත් හෝටල් සමූහයක් මෙන්ම සංචාරක බංගලා, මධ්‍යම පන්තියේ අඩු වියදම් හෝටල් ආදී නවාතැන්පලවල් රාශියක් මෙන්ම සංචාරකයන්ට අවශ්‍ය ආකාරයේ ඕනෑම අවශ්‍යතාවයක් ඉටු කර ගැනීමේ පහසුකම් මෙහි තිබෙනවා... හිරු රැස් නෑම, සම්භාහන මධ්‍යස්ථාන, ව්‍යායාම් මධ්‍යස්ථාන, මැණික්, බතික්, වෙස්මුහුණු ආදී වෙළඳ මධ්‍යස්ථාන වැනි බොහොමයක් අවශ්‍යතා මෙම කලාපය තුලදීම සිදු කර ගන්නට පුළුවනි. බෙන්තර සංචාරක කලාපය වඩාත්ම ජනප්‍රිය ජල ක්‍රීඩා වලට. දියමත ලිස්සා යාම, ජෙට්ස්කි, ඩෝනට් බෝට්ස්, බනානා බෝට්ස් චාරිකා, අධි වේගී බෝට්ටු චාරිකා මෙන්ම ගැඹුරු මුහුදේ මසුන් ඇල්ලීම ගඟ දිගේ බෝට්ටු සවාරි ආදී බොහොමයක් පහසුකම් අත් විදීමට ඔබට පුලුවන්. 

බෙන්තර පසු කරන ඔබට මුහුද අයිනෙන් මුණ ගැහෙනවා බෙන්තොට අවන්හල. ශ්‍රී ලංකා හෝටල් සංස්ථාව මගින් පාලනය කරන මෙම අවන්හලෙන් ඉතාම පිරිසිදු හා ප්‍රනීත ආහාර ලබා ගැනීමේ පහසුකම් ඔබට තිබෙනවා... ඉතින් මේ නිසා එක්දිනක සංචාරයක් යන ඔබට උදේ ආහාරය සඳහා ඉතා සුදුසු ස්ථානයක් ලෙස ඉතාම වගකීමෙන් හඳුන්වන්න පුලුවන්.

මීලඟට ඔබ පිවිසෙන්නේ ඉඳුරුව පුරවරයට... සුනාමියෙන් දරුනු ලෙස බැට කෑ ප්‍රදේශයක්. ඒ වගේම ඉත සුංදර මුහුදු වෙරලකට හිමිකම් කියන ග්‍රාමයක්. සුප්‍රසිද්ධ තරු පංතියේ හෝටලයක් වන ඉඳුරුව බේච් හෝටලය පිහිටා තිබෙන්නේ මෙහි. ඉඳුරුව හරියෙදි ඔබට දැක ගන්න පුළුවන් පාර දෙපස තිබෙන පොල් රා පීප්ප. පයාගල හරියෙද මම කිව්ව මතකද රා බොන්න කලබල වෙන්න එපා කියලා.. උදේ හයත් දහයත් අතර වෙලාවක ඔබ මෙම පෙදෙස පසු කරනවානම් පිරිසිදු හා ප්‍රණීත පොල් රා වීදුරුවක රස ලුණු කැටයක් එක්ක රස බැලීමේ අවස්ථාව උදා කරගන්නට පුළුවන්.  

ඉඳුරුව පසු කරමින් ඔබ පිවිසෙන්නේ කොස්ගොඩ ප්‍රදේශයට. වඩාත්ම ප්‍රසිද්ධ එහි ඇති කැස්බෑවුන් සංරක්ෂණ මධ්‍යස්ථානයයි.. කැස්බෑවුන් පිළිබඳව උනන්දු වන අයට කදිම තෝතැන්නක් තමයි එතන. කැස්බෑ බිත්තර ලඳරු කැස්බෑවන්, විවිඳ කැස්බැවුන් වර්ග මෙන්ම කැස්බෑ බිත්තර නැරඹීමේ අවස්ථාවත් ඔබට හිමිවෙනවා.. වාසනාව තිබුනොත් කැස්බෑ පැටවුන් ගොඩ ගැනීමේ අවස්ථාවට සහභාගී වෙන්නත් පුළුවන්. කැස්බෑ සංරක්ශණ මධ්‍යස්ථානය පසු කරන ඔබට ඊට මීටර් 200ක් පමණ ඈතින් වම් පසින් දිස්වෙන්නේ සාංචි ජාඩි කඩේ. ශ්‍රී ලංකාවේ දකුණු ප්‍රදේශයට ආවේනික මුහුඳු මාලු වලින් පිසෙන ඉතාම ප්‍රණීත ආහාරයක් වන ජාඩි රස බැලීමේ අවස්ථාව එතනින් උදා කරගන්නට පුළුවන්.       

දැන් අපි එමු අහුංගල්ල ප්‍රදේශයට.. ලංකාවේ තිබෙන තරු පහේ හෝටල් අතරින් එකක් වන හෙරිටන්ස් අහුංගල්ල හෝටලය පිහිටා තිබෙන්නේ මෙහි. මීට කලකට ඉහතදී ලංකාවේ තිබුනු තවත් එක් සත්වෝද්‍යානයක් මෙහි පිහිටා තිබුනා... එම පරිශ්‍රයේ තමයි දැන් මෙම හෝටලය පිහිටා තිබෙන්නේ.  

මාදු ගඟේ කඩොලාන නරඹමින්...
අහුන්ගල්ල පසුකරමින් ඔබ පිවිසෙන්නේ බලපිටිය ප්‍රදේශයට. සුන්දර මාදු ගඟේ බෝට්ටු සවාරියක් යාමට අවස්ථාව මෙහි තිබෙනවා... කඩොලාන නැරඹීමට තෝතැන්නක් වන මාඳු ගඟේ බෝට්ටු සවාරිය තුළදී කොත්දූව රජ මහා විහාරයටත්, කුරුඳු දුවේ කුරුඳු නිපදවන ආකාරයත් දැක ගන්නට පුළුවන්... අවශ්‍ය සියළු කලමනා රැගෙන ගියොත් මාදු ගඟ මැද දූපතක ඉතා චමත්කාර ජනක කඳවුරු රාත්‍රියක් ගත කරන්නත් ඔබට පුළුවන්.  

අදට ඇති නේද? ටිකක් දිග ලිපියක්. එහෙනම් තුන්වන කොටසින් හමුවෙමු... බලපිටියෙන් පිටත් වෙලා ගාල්ලටම යන්න සූදානම් වෙන්න. පුරුදු පරිදි කියන්න ඕන. මෙම චාරිකා සංවිධානය කර ගැනීමට මෙන්ම වැඩි විස්තර දැන ගන්නත් කතා කරන්න ඕන පහත දුරකථන අංක සහ විද්‍යුත් ලිපින වලට. 



දුරකථන        : +94714449162
                        +94112178209
විද්‍යුත් තැපැල් : abeetha@explorelankainternational.com



Sunday, June 26, 2011

බස්නාහිර මුහුදු තීරය දිගේ ගාල්ලට යන්න එනවද අපිත් එක්ක....... 01

විවිධ සංචාරක සටහන් අතරේ මේ වගේ කතා මාලාවන්ද ලියන්නට මම බලාපොරොත්තු වෙනවා.... මම එහෙම අදහස් කලේ කොළඹ ඉඳන් ගාල්ලට වෙරළ තීරය දිඟේ යන එක එක ලිපියකින් කියලා ඉවර කරන්න අමාරු නිසයි.....  කොහොමත් ඔබ කවුරුත් දන්නවනේ කොළඹ ගාල්ල පටන් ගන්නේ ගාලු මුවදොර පිටියෙන්..... ඉතින් අපි එතන ඉඳන් යන්න පටන් ගමු....

ගාලු මුවදොර පිටියේ දසුන්
ගාළු මුවදොර පිටිය අපේ රටේ තියෙන සුන්දරම හා ඓතිහාසික ස්ථානයක්.... විදේශිකයින් අපේ රට ආක්‍රමණය කල කාලයෙ සිටම පැවතෙන මෙම ගාළු මුවදොර රටේ වැදගත් මෙන්ම එම සමයේ එල්ලා මැරීම් හා ප්‍රසිද්දියේ වෙඩි තබා මැරීම් වැනි දඬුවම් ලබා දීමටද භාවිතා කර තිබෙන බවටත් සාක්ශි හමුවී තියෙනවා.. කෙසේ වෙතත් අද දිනයේ රාජ්‍ය උත්සව පැවැත්වීමටත් භාවිතා කරන්නේ මේ ස්ථානයයි.. සුංදර හවස්වරුව පුරාවට හිරු බැස යන අයුරු නරඹමින් විනෝද වීමට දේශීය විදේශික ජනතාවගේ ආදරය ගාළු මුවදොර පිටියට එක් රැස් වීම වර්තමානයේ ඉතා සුලභ දසුනක්.....ගලධාරී හෝටලය, සිලෝන් කන්ටිනන්ටල් හෝටලය, ටාජ් සමුද්‍රා හෝටලය හා ඉතා පෞරාණික වටිනාකමකින් හෙබි සුප්‍රසිද්ධ ගාළුමුවදොර හෝටලයද තිබෙන්නෙත් මේ ගාළු මුවදොර පිටිය අසලමයි...

ගාළු මුවදොර පසු කර ඉදිරියට යනවිට අපට මුණ ගැසෙන්නේ කොළඹ නගරයේ අසිරිමත් පෙදෙසුයි.... කොළඹ 3 සහ කොළඹ 4 ලෙසින් දැන් හැදින්වෙන කොල්ලුපිටිය හා බම්බලපිටිය නගරයි.... කැසිනෝශාලා, රාත්‍රී සමාජශාලා  මෙන්ම සාප්පු සවාරියේ යාමටද කදිම ප්‍රදේශයක් තමයි මේ පෙදෙස. ඉතා ජනප්‍රිය වෙළඳ සංකීර්ණ දෙකක් වෙන ලිබර්ටි ප්ලාසා හා මැජෙස්ටික් සිටි නමින් හැදින්වෙන වෙලඳ සංකීර්ණ දෙක පිහිටා තිබෙන්නෙත් මේ ප්‍රදේශයේ....

ඊලඟට හමුවෙන්නේ වැල්ලවත්ත..... එහෙම නැත්නම් කොළඹ 06 කියන ප්‍රදේශය... මෙයද ඉතා ජනාකීර්ණ හා රථ වාහන තදබදය නිතර පවතින ප්‍රදේශයක්... සුන්දර මුහුදු තීරයකට උරුමකම් කියන වැල්ලවත්ත කොළඹ නගර සීමාවට අයත් සුංදරම මුහුදු තීරය වෙනවා... උදේ සහ හවස වරුවල ව්‍යායාම්වල යෙදීම සඳහා මෙන්ම විනෝද වීමට පැමිනෙන පිරිස් වලින්ද, පෙම් සුව විඳීමට පැමිනෙන පෙම්වතුන්ගෙන්ද වැල්ලවත්ත මුහුදු තීරය පිරී ඉතිරී යනවා... මසුන් මැරීම විනෝදාංශය කරගත් දේශීය විදේශීය සංචාරකයින්ටද මෙම මුහුදු තීරය ඉතා සුදුසු ස්ථානයක්.....

මීලඟට හමුවෙන්නේ දෙහිවල නගරය... දෙහිවල හන්දියෙන් වමට හැරී කරගම්පිටිය හන්දියෙන් නැවත වමට හැරී කිලෝමීටරයක් දුරක් ගියාට පස්සේ තමයි අපේ රටේ ජාතික සත්වෝද්‍යානය හමු වෙන්නේ.... දේශීය මෙන්ම විදේශීය සතුන් බොහොමයක් ඔබට මෙහිදී නරඹන්න පුළුවන්.... රූපවාහිනියෙන් පොත්පත් වලින් පමණක් ඔබ දැකපු සතුන් පිය ඇසින් බලන්න එන්න මෙතනට.... 

ගල්කිස්ස මුහුදු වෙරලේ දසුන්..
දෙහිවල පසුකර ඉදිරියට යද්දි තම්යි ඔබට ලෝ පරසිදු ගල්කිස්ස මුහුදු තීරය හමු වෙන්නේ..... දවසේ පැය විසි හතර පුරා ජනාකීර්ණ ස්ථානයක් සහ ඉතාම ලස්සන වෙන මෙම මුහුදු තීරය ඉතාම විනෝදජනක මුහුදු තීරයක්... ඉන්දියන් සාගරයේ පිහිනන්න, ජලක්‍රීඩා කරන්න, අව්ව තපින්න, වෙරලේ ක්‍රීඩා කරන්න, වගේම මත්පැන් බෝතල් සමඟ සතුටුවෙන්නත් මෙතනට ලොකු පොඩි දේශී විදේශීය සංචාරකයෝ අපමණ පැමිනෙනවා.... සුන්දර ආදර කථාවක ඉතිහාසය රැගත ගල්කිස්ස මහ හෝටලයත් පිහිටා තිබෙන්නේ මෙම මුහුදු තීරයේ හරි මැදමයි....

මීලඟට ඔබට හමු වෙන්නේ රත්මලාන මොරටුව, පානදුර නගරයන්..... සුන්දර බොල්ගොඩ වැව මොරටු ගඟ ආදී අලංකාර වටපිටාවක් වගේම නාගරීකරණය වූ සමාජ වටපිටාවක්ද ඔබට දැක ගත හැක.... ඊට පසු ඉතාම අලංකාර සහ නිශ්ශබ්ද වෙරළ තීරයකට ඔබට පිවිසිය හැකියි.. ඒ තමයි වාද්දුව වෙරල තීරය.... නිස්කලංක වෙරල තීරයක් වූ මෙහි ඊට සමගාමීව පිහිටා ඇති පොල් ඉඩම් නිසා තවත් ආකර්ශනීය වෙනවා.... තරු පහේ හෝටලයක් වුන බ්ලූ වෝටර් හෝටලය, වාද්දුව නිවාඩු නිකේතනය, විලා ඕශන් වීව් හෝටලය වගේ ඉතාම ලස්සන සංචාරක හෝටල්ද පිහිටල තියෙන්නේ වාද්දුවේ....

එහෙමනම් ගාල්ල බලා යන ගමනේ පළමු කොටස මින් අවසන් වෙනවා... සඳහන් කරපු තැන් ගැන වැඩි විස්තර දැනගන්නා හා ඒ අවට ඇති හෝටල් වගෙම මෙහි සඳහන් නොකල හෝටල් වෙන්කරවා ගැනීමටත් පහත අංක අමතන්න..එසේ නැතිනම් පහත සදහන් ලිපිනයට විද්‍යුත් ලිපියක් එවන්න.... 


මීලඟ ලිපියෙන් කළුතර සිට බලපිටියට යමු.....  


දුරකථන        : +94714449162
                     +94112178209
විද්‍යුත් තැපැල් : abeetha@explorelankainternational.com






Sunday, June 12, 2011

රොකී ක්ලිෆ් ලී බංගලාවට යන්න එන්න....


අද කියන්නේ වැඩ කරලා මහංසි වෙලාවක නිවාඩු පාඩුවේ ගිහින් මනස සැහැල්ලු කර ගන්න පුළුවන් ඉතා අපූරු නිවාඩු නිකේතනයක් ගැනයි... පුංචි කඳු ගැටයක් මැද්දේ හුදකලා වෙච්ච ලී බංගලාවක ලංතෑරුම් එක්ක රාත්‍රියක් ගත කරන්න ආසද? ආලින්දයට වෙලා තරු ගනින්න..... ඈත කඳුවලින් දිස්වෙන පුංචි පුංචි විදුලි එළි නිවෙන පත්තු වෙන හැටි බලන් ඉන්න..... එහෙනම් මෙන්න ඒ තැන ගැන විස්තර.. නම රොකී ක්ලිෆ් වුඩ්න් බන්ගලෝ (Rockey Cliff Wooden Bungalow).....

ඔන්න කොටේජ් එක ගැන විස්තර... මේ ලී කොටේජ් එක, එක් කාමරයකින් විසිත්ත කාමරයකින්, ආලින්දයකින්, කෑම කාමරයකින් හා කුස්සියකින් සමන්විතයි... දෙදෙනෙක්ගේ සිට හයදෙනෙක් දක්වා ඉතා සුව පහසුව නවතින්න පුළුවන්.... පිරිමි ළමයි කණ්ඩායමක් වගේ නම් දහදෙනෙකුට වගේ නවතින්න පුළුවන්... ඊට අමතරව කූඩාරම් වල අවශ්‍ය තරම් නවතින්න පුළුවන්...



ආහාර ප්‍රශ්ණය නේද? කෑමට අදාල කළමණා ගිහින් දුන්නම එතන බලාගන්න අය ඔබට ආහාර පිළියෙල කරලා දෙයි.. හරි හරි...., බයිට් එහෙමත් හදලා දෙයි..ඒත් බඩු ටික අරන් යන්න... බත් සහ එළවළු සහිත කෑම වේලක් සහ තෝසෙ ඉට්ලි වගේ දමිළ කෑමකට අවශ්‍ය කළමණා අරගෙන යනවනම් මට ඔබට විශේශයෙන් යමක් කියන්න ඕන... ඒ ඉතාම රහට සැකසූ අහාර වේලක් භුක්ති විඳින්නට ඔබට හැකිවේවි.... 

ඊලඟට මොකක්ද දැනගන්න ඕන.. ආ.. සනීපාරක්ෂාවද? ප්‍රධාන ලී කොටේජ් එක සඳහා ඉතා පිරිසිඳු වැසිකිලියක් හා නාන කාමරයක් තියෙනවා... කූඩාරම්වල ඉන්න අය සඳහා පිරිසිඳු වැසිකිළි පහසුකම් වගේම විවෘත නාන වතුර මල් සවි කරලා තියෙනවා... දිය නෑම සඳහා ලස්සන පිහිල්ලක් වගේම දිය ඇල්ලක්ද ඉඩමේ කෙලවරක පිහිටා තියෙනවා...

හරි.. දැන් ආලෝකය... කිසිදු විදුලි බල්බයක් නෑ... ලැන්තෑරුම් හා ගෑස් ලාම්පු ඔබේ අඳුර මඟ හරවාවි... සෑම ඇඳකම තියෙන විඳුලි පන්දම හදිසි අවශ්‍යතාවයකට ඔබ ලඟ හිඳීවි. ඔබගේ බැටරි අඩු වෙච්ච ජංගම දුරකතන රාත්‍රියේ ස්විචය ඕෆ් කර භාර දුන් පසු උදේට චාජ් කර දෙන්න එතන කාර්ය මණ්ඩලය කටයුතු සලසා දේවි...

.
එහෙ ගිහින් බලන්න තියෙන්නෙද? කොත්මලේ ජල විදුලි වැඩසටහන වගේම ඉහල කොත්මලේ ජල විදුලි වැඩසටහනත් නැරඹීමේ හැකියාව තියෙනවා... මහනුවරට කිලෝ මීටර 40කින් පමණ ලඟාවිය හැකි නිසාත් නුවර එළියට කිලෝමීටර 30කින් පමණ ලඟා විය හැකි නිසාත් ඒ ආශ්‍රිත ප්‍රදේශ නැරඹීමේ හැකියාව තියෙනවා.... මේ කොටේජයේ නවාතැන් ගන්න ඔබට අත්පන්දු, බැඩ්මින්ටන් වැනි එළිමහන් ක්‍රීඩාවලත් චෙස්, කැරම් වැනි ගෘහස්ත ක්‍රීඩාවලත් යෙදීමේ පහසුකම තියෙනවා.... ඊට අමතරව පා පැදියක නැගී ප්‍රදේශය පුරා සංචාරය කිරීමේ අවස්තාවක්ද ලබා ගත හැකියි.. වනය තුල පා ගමන් මෙන්ම කුරුල්ලන් නැරඹීමටද පහසුකම් සලසා තියෙනවා... ඊට අමතරව ධීර ක්‍රියාකරකම් සහිත විශේෂ පැකේජයක්ද ඔබට සුදානම් කර ගන්න පුළුවන්.... 


දැන් ඉතින් ගාස්තුව නේද? මෙහි නැවතීමට පමණක් එක රාත්‍රියකට රුපියල් 7500.00ක මුදලක් අය කරනවා.... කූඩාරම් ගහගෙන ඉන්නවනම් එක් අයෙක්ගෙන් රුපියල් 500.00ක මුදලක් අය කරන්න තමයි තීරණය කරලා තියෙන්නේ.. කූඩාරම් සංකල්පය කෙරේ එනවානම් අඩුම තරමේ පස් දෙනෙක්වත් පැමිණිය යුතුයි. මීට අමතරව විශේෂ සේවාවන් සඳහා එක් එක් අය කිරීම් තීරණය වෙනවා... උදාහරණයක් ලෙස මධු සමය ගත කරන්නට එන පාරිභෝගිකයින්ට විශේෂ වට්ටම් මෙන්ම ධීර ක්‍රියාකාරකම් (Adventure Activities) සඳහා එන අයටද සුවිශේෂ පැකේජයන් ලබා ගත් හැකියි.








වැඩි විස්තර දැනගන්න ඕනනම් හෝ මෙය වෙන් කරවා ගැනීමට අවශ්‍යනම්  දුරකථන අංකය තමයි.... 0714449162.

Wednesday, June 1, 2011

කැළණි ගඟ දිගේ ඩිංගි බෝට්ටු පදින්න යන්න එන්න......


ඉතාමත් කාර්ය බහුලව ගෙවිච්ච පසුගිය කාලය නිසා ඇත්තටම මේ බ්ලොග් එකේ පෝස්ට් එකක් දාන්න ප්‍රමාද වූ බව කිව යුතු වෙනවා.... මේ මාතෘකාව දැක්ක සැනින් ඔබට  මතක් වේවි කොහෙද ලංකාවේ මෙහෙම දෙයක් කරන්නේ තියෙන්නේ කියලා..අටුවා ටීකා වැඩක් නෑ.. තැන තමයි කිතුල්ගල. මගේ අත්දැකීම්වලට අනුව මම හිතන්නේ කිතුල්ගල තමයි එක් දින චාරිකාවක් යන්න ලංකාවේ හොදම තැන... ප්‍රාග් ඓතිහාසික යුගයට අයත් බෙලි ලෙන, ඔස්කාර් සම්මාන ලද චිත්‍රපටයක් වූ "ද බ්‍රිජ් ඔන් ද රිවර් ක්වායි" චිත්‍රපටයේ පසුතලය හා එහි නටබුන්, පහත රට තෙත් කලාපීය වනබිම්, අලංකාර තේ වතු හා රබර් වතු ආදීන්ගෙන් සුසැඳි කිතුල්ගලට සංචාරකයින් ප්‍රධාන වශයෙන් ඇදෙන්නේ කැළණි ගඟ ආශ්‍රිතව වූ ධීර ක්‍රියාකාරකම් නිසයි.


ඉතින් කිතුල්ගල යන අය වෙනුවෙන් තමයි මේ ලිපිය ලියැවෙන්නේ.... කිතුල්ගලට ප්‍රවිශ්ඨ වෙන්න ප්‍රධාන මාර්ග හතරක් ගැන සඳහන් කරන්න පුළුවන්..... කොළඹ හා බස්නාහිර මුහුදු තීරය මෙන්ම දකුණේ ජීවත් වෙන අයටත් ලේසිම මාර්ගය වෙන්නේ අවිස්සාවේල්ලට ඇවිත් කරවනැල්ලෙන් දකුනට හැරිලා යටියන්තොට පසු කරමින් කිතුල්ගලට ලඟාවීම... කුරුණෑගල කෑගල්ල ආදී ප්‍රදේශ වගේම අනුරාධපුර පොලොන්නරුව ත්‍රීකුණාමලය වගේම යාපනය පැත්තේ ඉන්න අයටත් ලේසි පාර වෙන්නේ කෑගල්ල, ගලිගමුව, රුවන්වැල්ල පසු කර කරවනැල්ලෙන් වමට හැරී යටියන්තොට පසු කර කිතුල්ගලට ලඟාවීමට හැකි මාර්ගයයි.... නුවර ගම්පොල මාතලේ  අයටනම් නාවලපිටිය හරහා ගිනිගත්හේනට ඇවිත් දකුනට හැරෙන එක තමයි ලේසි. ඒ වගේම මධ්‍ය කඳුකරය හා ඒ ආශ්‍රිත අයට පුළුවන් හැටන් හරහා ගිනිගත්හේනට ඇවිත් වමට හැරී කිතුල්ගලට ලඟා විය හැකියි...

කිතුල්ගල බෙලි ලෙන
ඉස්සෙල්ලාම කතා කරමු බෙලි ලෙන ගැන.. අවුරුදු 25000ක් පමණ අතීතයකට හිමිකම් කියන බෙලි ලෙන මධ්‍ය ශිලා යුගයට (මෙසොලිතික යුගය..)අයත් වෙන බවක් තමයි සඳහන් වෙන්නේ... ඉතා විශාල ලෙන් තුනකින් සමන්විත මෙහි ප්‍රධාන ලෙන අඩි හැටක ප්‍රවිශ්ඨ දොරටුවකින් මෙන්ම අඩි 40ක උසකින් යුක්තයි.... බෙලි ලෙනේ ඉහල සිට බෙලි ලෙන පාමුලට ඇද හැලෙන සිහින් දිය ඇල්ල මීට එක් කරන්නේ අපූරු අලංකාරයක්. දැනට කරන ලද කාබන් පරීක්ෂණ වලට අනුව පුද්ගලයින් 30 දෙනෙකුගේ පමණ කොටස් හමුවී ඇති බව පවසයි....

ඊලඟට මම කියන්න හදන්නේ ලෝ සුපතල ඉංග්‍රීසි චිත්‍රපටයක් වෙච්ච ද බ්‍රිජ් ඔන් ද රිවර් ක්වායි චිත්‍රපට පසුතලය ගැනයි... දැනටත් එම ස්ථානය ආශ්‍රිතව වැල් පාලමක් තියෙනවා.. දෙවෙනි ලෝක යුද්ධය හා ගෙතුනු චිත්‍රපටයක් වෙච්ච මෙය 1957දී තමයි තිරගත වෙලා තියෙන්නෙ.. ඔස්කාර් සම්මාන 7කට මෙන්ම තවත් සම්මාන රාශියකට උරුමකම් කී මෙම චිත්‍රපට පසුතලයෙන් දැනට ඉතිරි වී ඇත්තේ පාලම ඉදි කිරීම සදහා සවිකල විශාල යකඩ කොකු හා හෑරූ විශාල වලවල් පමණයි....

මීලඟට එහි පරිසර පද්ධතිය.... පහතරට තෙත් කලාපීය වනබිමක අසිරිය දැක ගත හැකි අතර, මීමින්නන් වල් ඌරන් වැනි සිව්පාවුන් ගහනයි.... ලංකාවට පමණක් ආවේණික කැහිබෙල්ලා සහ රතු දෙමලිච්චා වැනි පක්ෂීන්ද අං කටුස්සා වැනි සතුන්ද දැකගන්නට ඔබට හැකියාව තියෙනවා... ඕලු ඇල්ල සහ දිය කෙලියටම සැදුන ගල් වලක්ද තිබෙන වන තුරුලිය හමුවේ සැරි සැරීමද ඇත්තටම සොඳුරු අත්දැකීමක්....

කැළණි ගඟේ සැඩ පහර දිගේ ඩිංගි බෝට්ටු පැදීම (White Water Rafting) තමයි වර්තමානයේ කිතුල්ගල තියෙන ජනප්‍රියම අංගය..... කිලෝමීටර හතරක දුරක් විනාඩි 45ක් පමණ ගමන් කරන මේ ත්‍රාසජනක චාරිකාව ඇග හිරිවට්ටන අත්දැකීමක්.... ආරක්ෂිත කබා (Safety Jackets) මෙන්ම ආරක්ෂිත හෙල්මට් (Safety Helmets) පැළඳීමද අනිවාර්යයි.... මාරන්තික පිමි හතරක් පනිමින් බෝට්ටුවෙන් වැටී සැඩ පහර හා පොර බඳිමින් විනෝදයෙන් මේ ගමන යන්න ඔබට හැකිවේවි... බෝට්ටුවට ගොඩ වී විනාඩි පහක් යනතෙක් "ඇයි මම මේකට නැග්ගේ" කියා ඔබට සිතේවි....  විනාඩි දහයක් යනවිට "මේ ගමන මොන තරම් මිහිරිදැයි" සිතේවි... වැල් පාලම යටින් යන ඔබට අවස්ථාවක් ඒවි බෝට්ටුවෙන් බැස ගඟේ පාවෙන්නට.... එයත් ඉතා සුංදර මෙන්ම ත්‍රාසජනක අවස්ථාවක්.... අඩි 40ක් පමණ ගැඹුරු වතුරක ඔබ සැහැල්ලුවෙන් පාවෙනවා (Body Rafting) දැනෙන විට ඔබට ඇත්තට පුදුම සිතෙවි...... මෙම අත්දැකීම විඳින්න ඔබ ආසයි ඒත් භයයි කියලා අපි දන්නවා.... අපිත් එක්ක එකතු වෙන්න සහතිකලත් ජීවිතාරක්ෂකයින් සමඟ මේ ගමන යන්න එන්න...

එහෙනම් කිතුල්ගල ගැන ලියැවෙන පුංචි ලිපිය මම මෙයින් නවත්තන්නම්.. එහෙනම් කිතුල්ගල යන්න... අපිත් එක්ක එකතුවෙන්න.... මෙන්න තියෙනවා විස්තර..

දුරකථන : 0112178209
විද්‍යුත් තැපැල් : abeetha@explorelankainternational.com